Міхась Рудкоўскі
Дата: 16.5.07 | Раздел: Поэзия
— Суняўся б ты хоць сёння, Ананас, Утаймаваў бы нораў і гардыню! Ці ж белы свет на уніі для нас Сышоўся клінам?
Прашу, як друга, ты ад слоў сваіх, Пакуль яшчз не позна, адрачыся І з уніятамі — час гэткі! — прымірыся, — Не цкуй ты іх...
— Што чую ад цябе, айцец святы? Ты, праваслаўны, гэта мне гаворыш?.. О, гора мне! О, гора вам, браты! Няверным гора!
Каб з унею праклятаю змірыцца, З прадаўцамі, што ганьбяць запавет? Не, ойча, ні за што! Лепш не радзіцца На божы свет! Што гаварыў, і гавару і паўтараю. На чым стаяў, на тым стаю, З тым паміраю. На продаж хціўцам не аддам Я веры нашай!
...І стрэлы грымнулі ў вясне, І рэха змоўкла, там, на лядах, — А ён, прыпёршыся к сасне, Стаяў усё, стаяў, бы ў сне, Стаяў — не падаў.
"О, Езус! — прашаптаў гайдук. — Не чалавек — то д'ябл, холера..." — І ўвесь збялеў, нібы папера. А Той стаяў, як на бяду (Лахмаціў вецер бараду), Не прывід, не! — Стаяла Вера!
Cтатья опубликована на сайте "Христианский портал Dubus.by": http://dubus.by
Адрес статьи: http://dubus.by/modules/myarticles/article_storyid_529.html
|